ئۇيغۇرۇم

“Uyghurum”ئەزىز ئەيسا ئەلكۈن

 

(لەپەر قوشىقى)

 

ئەر:
 

ئاي بولايمۇ ئۇيغۇرۇم!
كۈن بولايمۇ ئۇيغۇرۇم!
ئېيتقىن زادى نە بولاي؟!
بۇ كۈرەشتە ئۇيغۇرۇم؟!

 
ئايال:
 

ئاي بۇلسىڭىز سىز بۇلۇڭ ،
كۈن بۇلسىڭىز سىز بۇلۇڭ .
بۇ كۈرەشنىڭ مەيدانىدا ،
ھەقتە ئەمما چىڭ تۇرۇڭ!

 
ئەر:
 

سۆزىڭىزدىن ئايلىناي،
قەلبىڭىزگە باغلىناي،
ئىستىقلالنىڭ يولىدا،
ئاتەش بولۇپ تەڭ ياناي!

 
ئايال:
 

سۆزىڭىزگە چىن پۈتەي،
دەستە -دەستە گۈل تۇتاي.
گەر يانسىڭىز ئاتەش بوپ،
يولىڭىزدا كۇل بۇلاي!

 
ئەر:
 

ئۇيغۇر قىزى كۇل بولماس،
زۇلىمەتكە گۆل بولماس.
نۇزۇگۇم باتۇرى بار،
دۇشمەنگە ھىچ قۇل بولماس!

 
2018-يىلى 30-ئىيۇن.
 



سەھىپىمىزدە پىكىر يازغاندا ئۇيغۇر تىلىنىڭ ئۆلچەملىك ئىملا قائىدىسىگە رىئايە قىلىشىڭىزنى تەۋىسىيە قىلىمىز !