ئەزىز ئەيسا ئەلكۈن
شېئىرنى بىۋاستە ئاڭلاش: Elkun: Tugumes_seper.mp3
مەن تۈگىمەس سەپەردە …
ھېلىقى تونۇش پويىزدا
بۈگۈن بۇ يەردە يامغۇر ياغمىدى،
ئادەملەر قاپاقلىرى تۇرۇلـمىدى،
ئاسماننى شىشخال قىلىپ تۇرىدىغان بۇلۇت ـ
قۇياشقا ئورۇن بەردى.
ئەزىز ئەيسا ئەلكۈن
Dilnur oqughan: Keldingmu_baharim1.mp3
Baburkhan oqughan: Keldingmu_baharim2.mp3
Sahibqiran oqughan: Keldingmu_baharim3.mp3
باھار قۇشى غەزەل ئېيتقان سەھەردىن،
خۇش پۇراقلىق چېچەك تولغان بېغىمدىن،
مەڭزىم سۆيۈپ ئۇچۇپ قاچقان شامالدىن،
كەلدىڭمۇ باھارىم سېنى سورايمەن؟
ئەزىز ئەيسا ئەلكۈن
شېئىرنى بىۋاستە ئاڭلاش: Elkun: Bahar_qushi.mp3
سەھەردىكى ساپ تۇيغۇمغا قوشۇلۇپ،
باھارنىڭ قۇشلىرى مۇڭلۇق سايرايدۇ.
باغچىدا ئاق-قىزغۇچ ئۇرۇك چېچىكى،
سېغىنغان يۈرەكتىن يارنى سورايدۇ!
ئاق چېچەك ئۇستىدە ناتىۋان قۇشلار،
شادلىقتىن ھايات ناخشىسى توۋلايدۇ.
ئاتەش قۇياش ھەر بەرگىدە جىلۋىسى،
شوخ شامال باھارلىق سالام يوللايدۇ! ……
ئەزىز ئەيسا ئەلكۈن
شېئىرنى بىۋاستە ئاڭلاش: Chin_muhabbetning_bayani.mp3
(ياشلىق خاتىرەمدىكى شىېئىرلاردىن)
بىز بۇرۇن ناتونۇش، بىز يوچۇن ئىدۇق،
مۇھەببەت بېغىغا تەڭ كېلىپ قوندۇق.
تەقدىرنىڭ قىسمىتى يولىمىزغا نېسىپ –
مۇقەددەم شۇ كۈنى بىر جۈپلەر بولدۇق…
سىڭىپلا كەتتىڭ سەن قەلبىم قېتىغا،
قۇم ئۇستىگە ياققان سەھەر يامغۇردەك.
بوران ئۇچۇرسىمۇ يوقالمىدىڭ ھىچ،
كۆكلىگەن تاش ئۇستىدە قىزىل گۈلدەك.
قامغاق ئىدىم سۆيگۈ چۆلىدە يىگانە،
جانان ئىزدەپ جاھان كەزگەن بىر دىۋانە.
پەيدا بولدۇڭ قەلبىمدە يېڭى باھاردەك،
تۇيۇلدى دۇنيا بولۇپ ماڭا غەمخانە…..
شېئىرنى بىۋاستە ئاڭلاش: Derex_heqqide_epsane.mp3
بۇ كوچىنىڭ دەرەخلىرىدە ئۇزۇلـمەس
نەۋ باھارنىڭ ئىزلىرى قالغان
قىشتىمۇ سۈكۈتتە ھاياتلىق ئۇنىڭدا كۆكلەيدۇ
ھېلىمۇ شاخلىرى كېسىلگىنىگە پەرۋاسىز
قاغا ـ قوزغۇنلا ئەمەس
گاھى كۈندۇزى كۆك ئاسمان ـ
گاھى كېچىدە ئاي يۇلتۇزلار پارلايدۇ …….
(شېئىرنى بابۇرخان دىكلىماتسىيە قىلغان)
يېڭى يىل ـ يېڭى تۇيغۇ، يېڭى تىلەكلەر،
كونا يىلىنىڭ ماتەمگە ئۇلىشىپ كېلەر.
بىلمەيمىز يەنە قانچىسى شۇنداق كېتەر؟
ئەمما ئۇيغۇر ياشايدۇ ئارمىنى بىلەن!
كونا يىلنىڭ ئاخىرى بىر كۈنلا قالغان،
ئادەملەر يېڭى يىللىق تىلەكلەر يازغان…
بىر مۇساپىر ئۇيغۇر ئۆيىنى سېغىنغان،
ئەمما ئۇيغۇر ياشايدۇ ئارمىنى بىلەن!
بۇ كوچىدا ئادەملەر شالاڭلاپ قالغان،
بىرى ئالدىراش كېچىلىك بەزمىگە ماڭغان.
بىرلىرى كونا يىلدىن ھېسابلار ئالغان….
ئەمما ئۇيغۇر ياشايدۇ ئارمىنى بىلەن! ……
ئەزىز ئەيسا ئەلكۈن
(شېئىرنى مۇھەممەت بابۇر ئوقۇغان)
ئەگەر بۇ ئاۋاز يانفوندا قويۇلمىسا تۆۋەندىكى ئۇلنشتىن بىۋاستە ئاڭلاڭ:
يۇلتۇزۇمنى سېغىنىپ ئاسمانغا باقتىم،
قەيەرگە كەتتىڭ سەن بۈگۈن سىردىشىم ؟!
سۈكۈتتە ئۆزۈمدە تۇغۇلىدۇ سۇئال ـ
نېچۈك ھالىم مېنىڭ، تەتۈر قاياشىم؟! …..
(شېئىرنى ئاسىيە ئۇيغۇر ئوقۇغان)
ئەگەر بۇ ئاۋاز يانفوندا قويۇلمىسا تۆۋەندىكى ئۇلنشتىن بىۋاستە ئاڭلاڭ:
Pighanliq_soygu_Asiye1512018.mp3
(شېئىرنى بابۇرخان ئوقۇغان)
ئەگەر بۇ ئاۋاز ھۆججىتى يانفوندا نورمال قويۇلمىسا تۆۋەندىكى ئۇلنشتىن كىرىپ بىۋاستە ئاڭلاڭ:
http://www.azizisa.org/elkun_poem/Tagh_yamghuri.mp3
تون كىيگەن تۇماندىن ئۇستىگە يېشىل تاغ،
تۇرۇپ- تۇرۇپلا يامغۇر بىلەن يۇيۇنغان.
چېركاۋ مۇنارى ئۇنىڭ باغرىدا قىيسىق،
قۇشلىرى بۈك ئورماندا تىنماي سايرىغان.
مەن پىنھان بۇ يامغۇردا سۈكۈتكە پاتقان،
قەدىمىم ئەسكى قەلئە ئۇستىدە قاتقان.
قەلبىمدە ھايات ئۆتمۈشى ئۆچمەس زىنھار،
ھەر سېغىنىش نەپەستە ئوت بولۇپ يانغان! ……..
ئەزىز ئەيسا ئەلكۈن
(شېئىرنى بابۇرخان ئوقۇغان)
ئەگەر بۇ ئاۋاز يانفوندا قويۇلمىسا تۆۋەندىكى ئۇلنشتىن بىۋاستە ئاڭلاڭ: Qum_qizi.mp3
elkun@azizisa.org
